Co-Founder at WAV, Ph.D.
Օգոստոսի 5-ին կայանալիք "AI քեզ բանականություն" միջոցառմանը Ջիվան Հակոբյանի թեման է.
WAV (Walking Around the Voices). WAV-ը հայկական տեխնոլոգիական ստարտափ է, որը զարգացնում է տեքստից բնական խոսքի (Text-to-Speech) և ձայնի ճշգրիտ սղագրման (Speech-to-Text) տեխնոլոգիաներ՝ մատուցելով արագ, բնական և բազմապրոֆիլ լուծումներ։
AI ստարտափն իր նորարարական տեխնոլոգիաներով առաջ է անցել միջազգային հայտնի կազմակերպություններից, ինչպիսիք են՝ Google-ը, Meta-ն և OpenAI-ը։
Հանդիպման ընթացքում կներկայացնի.
1. WAV ստարտափի հնարավորություններն ու առանձնահատկությունները։
2. Ինչպե՞ս են AI ձայնային տեխնոլոգիաները ազդում ինդուստրիայի և աշխատանքի որակի վրա։
3. Ի՞նչ գործնական կիրառություններ ունի կրթության, բիզնեսի, և մեդիայի ոլորտներում։
4. Ինչպե՞ս սկսել ստարտափ, և ո՞րն է դրա իրական արժեքը:
Ջիվան Հակոբյանը տեխնոլոգիական ոլորտում ունի ավելի քան 10 տարվա փորձ։ Հանդիսանում է WAV ստարտափի համահիմնադիրը:
Իր մասնագիտական գործունեության ընթացքում Ջիվանը մասնագիտացել է՝
● կոմպիլյատորների օպտիմիզացիայի ոլորտում՝ ներգրավված լինելով V8, LLVM եւ GNU Compiler Collection (GCC) կոմպիլյատորների հետազոտական և պրակտիկ կիրառությունների նախագծերում,
● ծրագրային ապահովումների անվտանգության բարձրացման ուղղությամբ՝ մշակումով մեխանիզմներ խոցելիություններից պաշտպանման և համակարգերի կայունության ապահովման համար:
Ունի բազմաթիվ գիտական հոդվածներ, որոնք տպագրվել են ինչպես տեղական, այնպես էլ միջազգային հեղինակավոր պարբերականներում։ Բացի հետազոտական աշխատանքից Ջիվանը դասավանդում է Հայ-Ռուսական (Սլավոնական) համալսարանում՝ նպաստելով ոլորտի ապագա մասնագետների կրթությանը: